Minggu, 21 November 2010

PANTUN KITO SIULAK

sejak mano mulai munyalo
dari lubuk kurantau panjang
sejak mano hati ku gilo
sejak lah iko di ambik uhang

dikurimbo manen dak naki
nampak renah padang sikuang
hati ibo raso nak mati
punano hati di ambik uhang

kayo pandai mungirang padi
dari sudut sampai kutepi
kayo pandai mumbuang kami
dari mulut sampai kuhati

apo sbab gigi ku silu
makan buah sikayang-kayang
apo sbab hati ku rindu
tibayang adik di rantau uhang

antaro sikungkung dingan belui
situ ti tanam si padi payo
antaro jantung dingan hati
situ titanam sibadan iko

bia lah rubuh kandang ku ini
si batang idak burisi pisang
tibuang jauh badan ku ini
suhang lah idak ado ngan sayang

kayu aro dilingkung bukit
kluk tigo munanam bungo
nak busuo jadi punyakit
idak busuo jadi punano

nak ilie kulubuk paku
tantik kuahi sipaneh ptang
kalu nak nalak ganti nyo aku
tantik kutubuh badan ku hilang

kalu samo tinggi kayu di rimbo
kuruduk idak bubungo agi
kalu kupandang kupado harto
mungkin idak busuo agi


layang-layang buru kelabuh
labuh bulahi kutbing tinggi
parak siang embun bulabuh
bulan bugenti ngan mato ahi


jalan-jalan kusuko pangkat
ngimak uhang munanam bungo
adik nalak uhang bupangkat
kami musekin jangan dihino


padi bae sayang di bento
bento idak sayang dipadi
kami bae sayang di iko
iko idak sayang di kami


kalu idak ulah di bento
idak padi simumbo ini
kalu idak ulah di iko
idak hati sigilo ini

swan kotok
ateh atap
nyado ukok
nyado mantap

suwan kotok
ateh loteng
nyado ukok
nyado ganteng

jalan-jalan kumuaro siyaw
sorri layawww,,,,,,,,,,,


BERSAMBUNG,,,,,,,,!